شهيد آمن لك
مش هيرحل مش هتكسب
مش هيهزم الوحش جُبنَك
لما تهتف بالكرامة وانت من جواك جبان
لما يرخص عنده دمك يبقي عادي انك تتهان
يوم في ثورة ويوم سياسة والشهيد يحتار في أمرك
مش هيرحل مش هتكسب
مش هيهزم الوحش جُبنك
عامة الشعب المُسالم يُربطك يحكم مبادئك
تبقي تايه بين رضاهم وبين شهيد دمه في رقبتك
يلعب الوحش بعواطفك تبقي مهزوز وسط صفك
مش هيرحل مش هتكسب
مش هيهزم الوحش جُبنَك
كلب ريحة خوف لمسها من كلامك من قرارك
راح يقلل من حقوقك لحد ما يغلب
حمارك
طاح بظلمه لفوق وطار وانت متشعلق بيلاعبك
مش هيرحل مش هتكسب
مش هيهزم الوحش جُبنَك
اللي مات علشان يطهر بدمه ماضي عار عليه
واللي ضحي وراح عشانهم نسيوا دمه وباعوا فيه
ليه هتسمع للي باعو قولها حتي لو قلت وحدك
القصاص م اللي بيقتل
والاهانة للي بيسحل
والرحيل للي بيكدب
والسجون للي سرق
كلمة الحق ترن
وحدها في وسط الزحام
نور ل عُمي وصوت ل طُرش
والعدل يكسب في السبق
مش هيرحل مش هتكسب
مش هيهزم الوحش جُبنَك
اللي يقولك اكل عيشي قوله عيشك ده مسموم
بكرة لما تعزي في ابنه هو اللي هَيبدأ هجوم
فين شجاعتك؟ فين مبادئك؟
فين وصية شهيد آمن لك
ــــــــــــ قلمـــــــــــ ـأشرفــــــ ــــثروتـــــــــــــــــــــــــــــــ
ليست هناك تعليقات:
إرسال تعليق